A Fundación Universidade de Vigo realiza un traballo proactivo de cara á detección de proxectos de carácter innovador e cun alto contido tecnolóxico. Ademais, leva a cabo asesoramento para a creación de empresas e posterior acompañamento nas fases iniciais dunha startup.

Queres montar unha empresa? Como podemos axudarche?

• Coxestionamos o INCUVI, unha incubadora de iniciativas empresariais de base tecnolóxica e de coñecemento. Presenta a túa idea de negocio e podes conseguir unha estadía gratuíta de ata un ano.
• Xestionamos tamén o programa de IEBTs (iniciativas de emprego de base tecnolóxica) da Xunta de Galicia, que che poden axudar económica e tecnicamente nas primeiras fases da túa empresa.
• Achegamos información e documentación de interese sobre creación de empresas e emprendemento.
• Facemos asesoramento personalizado a emprendedores. Concerta unha cita con nós ou pregúntanos as túas dúbidas cubrindo este formulario.
• Facemos accións de formación en emprendemento, estudos e informes…

Quen son os destinatarios das nosas accións?

Comunidade universitaria e egresados da Universidade de Vigo.