A Fundación Universidade de Vigo realiza a xestión das prácticas académicas externas extracurriculares dos estudantes da Universidade de Vigo, tanto coas empresas coma co alumnado que desexan ser partícipes delas.
- Aquí podes consultar a LISTAXE DE OFERTAS DE PRÁCTICAS da Universidade de Vigo
- Aquí podes consultar toda a normativa que rexe a realización de prácticas en empresas.
- Dúbidas? Consulta aquí a nosa FAQ sobre prácticas para estudantes e para empresas.
Cales son as vantaxes para as empresas?
- Captación de recursos humanos: O período de prácticas serve de proceso óptimo de selección de futuros traballadores e traballadoras, en base a unha proba real e continua.
- Renovación empresarial: É un xeito de incorporar novas ideas, e coñecementos técnicos, ademais de inquedanza, motivación extra e creatividade.
- Formación a medida: Os estudantes posúen unha gran capacidade de aprendizaxe e adaptación, que poden ser aproveitada pola empresa para as súas necesidades, o que revertirá na competitividade da compañía.
E as vantaxes para o alumnado?
- Ter unha primeira toma de contacto co mundo laboral e a posibilidade de aprender a desenvolverse diante de diversas situacións que se lle poidan presentar na súa futura carreira profesional.
- Desenvolver a súa formación teórico-práctica en contextos reais de traballo.
- Detectar as fortalezas ou debilidades coas que se poida atopar no mundo laboral e sobre as que pode actuar se o considera necesario.
- Adquirir paulatinamente a madurez e os coñecementos necesarios para enfrontarse á toma de decisións que lle permitan alcanzar os seus obxectivos profesionais.
- Ampliar o seu currículo coa experiencia profesional que tanto demandan as empresas nas súas ofertas de emprego.
Como xestionamos as prácticas?
A FUVI realiza a xestión das prácticas académicas externas dos estudantes da Universidade de Vigo a través deste procedemento:
- Asesoramento e información a empresas e institucións.
- Sinatura dun convenio de cooperación educativa para a realización de prácticas académicas externas extracurriculares coas empresas e institucións interesadas.
- Convocatoria pública da práctica, previo asesoramento á empresa ou institución empregadora sobre os perfís máis axeitados.
- Preselección de candidatos que cumpren os requisitos mínimos establecidos na convocatoria.
- Selección do estudante pola empresa ou institución.
- Formalización da práctica.
- Seguimento e avaliación da práctica.
Cales son os requisitos?
